Prof.Dr.Ayhan Hilmi Çekin
TGD prezidenti
“Xəzər Görüşləri 6” elmi-praktik tədbirinə qeydiyyat bu gündən etibarən açıq elan olunur.
Qeydiyyat prosesi yalnız WhatsApp və e-mail vasitəsilə aparılır. Telefon zənglərinin eyni vaxtda çox olması səbəbindən müraciətlərin WhatsApp üzərindən yazılı şəkildə göndərilməsi xahiş olunur. Müraciətiniz qəbul edildikdən sonra sizinlə əlaqə saxlanılacaq və qeydiyyat üçün tələb olunan məlumatlar barədə ətraflı məlumat veriləcəkdir.
Qeydiyyat şərtləri:
1. Cəmiyyət üzvü olmayan iştirakçılar üçün qeydiyyat haqqı: 250 AZN
(Qala Gecəsi daxil)
2. Cəmiyyət üzvləri üçün 01.06.2026 tarixinədək qeydiyyat haqqı: 100 AZN
Bu məbləğə qala gecəsində iştirak daxildir.
3. 01.06.2026 tarixindən sonra cəmiyyət üzvləri üçün qeydiyyat haqqı: 250 AZN
Bu məbləğə də qala gecəsində iştirak daxildir.
Qeydiyyat üçün aşağıdakı nömrəyə WhatsApp vasitəsilə müraciət edə bilərsiniz:
Whatsapp: 055 811 22 81
E-mail: 1agies.az@gmail.com
Əlaqələndirici şəxs: Dr. Musa bəy
Xəzər Görüşləri 6 beynəlxalq elmi konfransı çərçivəsində tezis (abstract) qəbulu başlamışdır.
Son müraciət tarixi: 1 İyun 2026
Maksimal həcm: 3000 işarə (boşluqlar daxil olmaqla)
Dil: Azərbaycan və ya İngilis
Mövzular: Tibbin bütün sahələri üzrə klinik, eksperimental və tədqiqat yönümlü işlər qəbul olunur
Konfrans Elmi Komitəsi tərəfindən seçilmiş tezislər, Azərbaycan Respublikasının Ali Attestasiya Komissiyasının siyahısına daxil olan Caucasian Medical Journal jurnalında elektron formatda nəşr olunacaqdır.
Hörmətli həmkarlar,
27-28 İyun 2026-cı il tarixlərində Azərbaycan Qastroenterologiya və İnvaziv Endoskopiya Cəmiyyətinin təşkilatçılığı ilə baş tutacaq “Xəzər Görüşləri 6” beynəlxalq elmi-praktik konfransı öncəsi Sizə müraciət edərək bir neçə mühüm məqamı diqqətinizə çatdırmaq istəyirəm.
Bu tədbirin əsası mərhum professor İsmayıl Abbasovun əziz xatirəsinə həsr olunaraq, yerli qastroenteroloji ictimaiyyət üçün kiçikmiqyaslı elmi konfrans formatında qoyulmuşdur. Zamanla bu təşəbbüs, iştirakçıların elmi marağı və cəmiyyətimizin dəstəyi nəticəsində genişlənərək, artıq beynəlxalq səviyyəli bir elmi platformaya çevrilmişdir. Fəxr edirik ki, builki görüşlərdə Türkiyə, Avropa, Latviya, Russiya və Amerika Birləşmiş Ştatları da daxil olmaqla müxtəlif ölkələrdən tanınmış alim və mütəxəssislər iştirak edəcəkdir. Bu konfransın əsas məqsədi dünya qastroenterologiyasındakı ən son yenilikləri yerli həkimlərlə paylaşmaq və müasir trendləri müzakirə etmək üçün innovativ elmi mühit formalaşdırmaqdır.
Təqdirəlayiq haldır ki, hər il ABŞ-da keçirilən ən nüfuzlu qastroenteroloji tədbirlərdən biri olan DDW (Digestive Disease Week) konfransından dərhal sonra, orada təqdim olunan ən mühüm mövzuların Bakı platformasında müzakirəsinə şərait yaranacaq. Bu isə həm elmi baxımdan çeviklik, həm də yerli mütəxəssislərimizin qlobal təcrübəyə daha sürətli inteqrasiyası baxımından müstəsna əhəmiyyət kəsb edir.
Əminəm ki, “Xəzər Görüşləri 6” bir daha sübut edəcək ki, Azərbaycan regionda elmi dialoq və təcrübə mübadiləsi üçün mühüm mərkəzə çevrilməkdədir.
TGD prezidenti
TGD prezidenti
TGD prezidenti
AQİEC idarə heyəti
AQİEC-in fəxri sədri
AQİEC idarə heyəti
AQİEC idarə heyəti
AQİEC idarə heyəti
Eozinofilik ezofagit: diaqnostika və müalicə
Erkən ezofagus xərçəngində paradiqma dəyişikliyi: cərrahi rezeksiyadan endoskopik müalicəyə
QERX-də endoskopik müalicə
MASLD və MASH
Hepatit B müalicəsində antiviral preparatların dayandırılması
Pediatriyada hepatoloji problemlər
Funksional bağırsaq xəstəlikləri: Roma V konsensusunun yenilikləri
İltihabi bağırsaq xəstəlikləri və opportunistik infeksiyalar: diqqətdə herpesviruslar və vərəm
İltihabi bağırsaq xəstəliklərində lezyonların qiymətləndirilməsi və endoskopik izləm
Hamilə xəstədə iltihabi bağırsaq xəstəliyinin müalicə idarəolunması
Autoimmun öd yolu xəstəlikləri
ERCP-nin incə məqamları
Öd yolu xəstəliklərində EUS
Toksik xolestaz
Helicobacter pylori-nin antibiotiklərə rezistentliyi: qlobal təhlükə
Mədə xərçəngi və dünyada skrininq təcrübəsi
Dispepsiya və funksional dispepsiya: Roma V konsensusunda yeni baxışlar
Mədənin prekarsinoz lezyonlarında p53: biomarkerdən risk stratifikasiyasına
Pankreas xərçənginin müalicəsinə multidissiplinar yanaşmalar — 2026
Kəskin pankreatitdə endotelial disfunksiya və hiperkoaqulyasiya
Autoimmun pankreatit: müasir vəziyyət
Peripapiller bölge biliopankreatik kanal anomalileri
Ezofagus perforasiyası olduqda nə etməli?
Rezistent və residivləşən ezofagus darlıqlarında endoskopik müalicələr
Endohepatologiya
Klinik hal təqdimatı
Klinik hal təqdimatı
Klinik hal təqdimatı
Klinik hal təqdimatı
Klinik hal təqdimatı
Cəmiyyət üzvlərinə ödənişsizdir, cəmiyyət üzvi olmayanlara qeydiyyat ödənişlidir!
Marriott Hotel Boulevard
Xətai rayonu, Xaqani Rüstəmov küçəsi 4c